കെ ജെ ഷൈൻ ടീച്ചർക്കെതിരായ അപവാദ പ്രചരണം; കെ എം ഷാജഹാനെ വീണ്ടും ചോദ്യം ചെയ്തേക്കും; മെമ്മറി കാർഡ് പിടിച്ചെടുത്തു

കെ ജെ ഷൈൻ ടീച്ചർക്കെതിരെ അപവാദ പ്രചരണം നടത്തിയ കേസിലെ പ്രതി കെ എം ഷാജഹാന്‍റെ ചോദ്യം ചെയ്യൽ വൈകുന്നേരത്തോടെ പൂർത്തിയായി. ആലുവ സൈബർ ക്രൈം പൊലീസ് സ്റ്റേഷനിലായിരുന്നു 5 മണിക്കൂറിലേറെ നീണ്ട ചോദ്യം ചെയ്യൽ. ഇതിനിടെ അപവാദ വീഡിയോ എഡിറ്റ് ചെയ്ത് സൂക്ഷിച്ച മെമ്മറി കാർഡ് ഷാജഹാൻ പൊലീസിന് കൈമാറി. വീട്ടിൽ നടത്തിയ പരിശോധനയിൽ നിന്നും ഇത് കിട്ടിയിരുന്നില്ല. ചോദ്യംചെയ്യലിനു ശേഷം പുറത്തിറങ്ങിയ ഷാജഹാനെതിരെ സിപിഐഎം – ഡിവൈഎഫ്ഐ പ്രവർത്തകർ പ്രതിഷേധിച്ചു.

കെ ജെ ഷൈന്‍ ടീച്ചര്‍ക്കെതിരെ അധിക്ഷേപ പ്രചാരണം നടത്തിയ കേസിലെ പ്രധാന പ്രതി കെ എം ഷാജഹാൻ ബുധനാഴ്ച ഉച്ചയ്ക്ക് 2 മണിയോടെയാണ് ആലുവ സൈബർ ക്രൈം പോലീസ് സ്റ്റേഷനിൽ ഹാജരായത്. അന്വേഷണ സംഘത്തിന്‍റെ തലവനായ മുനമ്പം ഡിവൈഎസ്പി ജയകൃഷ്ണന്റെ നേതൃത്വത്തിൽ ഷാജഹാനെ വിശദമായി ചോദ്യം ചെയ്തു.

ALSO READ; കേരളത്തിലെ കടമെടുപ്പ്: മനോരമയുടെ വാദങ്ങൾ പൊളിച്ചടുക്കി സി എ ജി റിപ്പോർട്ട്; ഫേസ്ബുക്ക് പോസ്റ്റ്

അപവാദ പ്രചരണത്തിനു വേണ്ടി ഉപയോഗിച്ച ഫോൺ നേരത്തെ പോലീസ് ഷാജഹാന്‍റെ വീട്ടിൽ നിന്നും പിടിച്ചെടുത്തിരുന്നു. എന്നാൽ അതിൽ മെമ്മറി കാർഡ് ഉണ്ടായിരുന്നില്ല. എഡിറ്റ് ചെയ്ത വീഡിയോ സൂക്ഷിച്ച ഈ മെമ്മറി കാർഡ് ഷാജഹാൻ ചോദ്യം ചെയ്യലിന് ഹാജരായപ്പോ‍ഴാണ് പൊലീസിന് കൈമാറി. അഞ്ചുമണിക്കൂറിൽ ഏറെ നീണ്ട ചോദ്യംചെയ്യലിനു ശേഷം പുറത്തിറങ്ങിയ ഷാജഹാനെതിരെ സിപിഐഎം – ഡിവൈഎഫ്ഐ പ്രവർത്തകർ പ്രതിഷേധിച്ചു.

ഷാജഹാന്റെ മൊഴി പരിശോധിച്ച ശേഷം വീണ്ടും ചോദ്യം ചെയ്യാൻ വിളിപ്പിക്കുമെന്ന് അന്വേഷണസംഘം അറിയിച്ചു. അതേസമയം കേസിലെ ഒന്നാം പ്രതിയും പറവൂരിലെ കോണ്‍ഗ്രസ് നേതാവുമായ സി കെ ഗോപാലകൃഷ്ണന്‍റെ മുന്‍കൂര്‍ ജാമ്യാപേക്ഷയെ എതിര്‍ക്കാനാണ് പൊലീസിന്‍റെ തീരുമാനം. ഇതിന്‍റെ ഭാഗമായി പൊലീസ് കോടതിയില്‍ റിപ്പോര്‍ട്ട് നല്‍കും. ഗോപാലകൃഷ്ണന്‍ ഇപ്പോഴും ഒളിവിലാണ്. കെ ജെ ഷൈന്‍ ടീച്ചര്‍ക്കെതിരെ അധിക്ഷേപ പ്രചാരണത്തിന് തുടക്കമിട്ട കെ എം ഷാജഹാനും ഗോപാലകൃഷ്ണനുമെതിരെ ജാമ്യമില്ലാവകുപ്പുകള്‍ പ്രകാരമാണ് കേസെടുത്തിരിക്കുന്നത്.

The post കെ ജെ ഷൈൻ ടീച്ചർക്കെതിരായ അപവാദ പ്രചരണം; കെ എം ഷാജഹാനെ വീണ്ടും ചോദ്യം ചെയ്തേക്കും; മെമ്മറി കാർഡ് പിടിച്ചെടുത്തു appeared first on Kairali News | Kairali News Live.

കടപ്പാട് :Kairali News | Kairali News Live https://ift.tt/DEmQSIz